اتوقع التصدير هيتم حصره علي من يملك منتجات فيها قدر عالي من ال knowhow و اللي نقدر نسميهم Market Leader و دول المُصنعين اللي استثمروا في البحث و التطوير، كذلك الدول اللي استثمرت في البحث التطوير.
لان المنتج اللي سهل تقليده هيتم تصنيعه محلياً اجلاً او عاجلاً و هتزيد القيود الاستيرادية في الدول المستوردة الا علي منتجات بعينها …
النجاح في اللي جاي في الدول اللي بتعمل الحاجات دي علي سبيل المثال و ليس الحصر ..
1- بتستثمر في دول متخلفة صناعياً و بتعمل شراكات صناعية داخل الدول دي مش مجرد بتستهدف تصدير
2- الدول اللي بتمتلك منتجات قائد سوق Market Leader و دي الدول بتستوردها حتي لو بتصنع مثيل ليها و لكن بفعل الطلب المحلي بتستوردها
3- الدول اللي بتصنع mass production بسعر منافس تقدر تحافظ بيه علي حصة سوقية
4- الدول اللي بتستثمر في البحث و التطوير بشكل كبير و عندها حلول صناعية مبتكرة و متطورة .
5- الدول اللي عندها قدرات كبيرة لتمكين المصنعين و المصدريين و عندها حلول تسويقيه كبيرة بتدعم بيها منتجاتها
6- الدول اللي بتملك سمعة صناعية جيدة و متميزة في منتجات بعينها .
بدون الست نقط دول اقدر اقول لحضرتك انك هتبقا بره المنافسة.
انا لامس الارادة لتطوير الصناعه و لكن البعد الاستراتيجي في خطط قصيرة الاجل و خطط متوسطة الاجل و طويلة الاجل هتخليك من المنافسين الكبار عالميا …
عشان العربية تجري لازم ننزل فرامل اليد.
أسامة فهمي
رئيس مجلس إدارة شركة جيت زون انترناشيونال
